Semella que a nefasta actuación de Gil Manzano no Benito Villamarín está a servir para que en Vigo nos decatemos do pouco que nos serviu estarmos calados antes os reiterados atropelos arbitrais. Mentres que desde este blog levamos moito tempo a denunciar a situación (outros falaban de casualidades e buscaban excusas absurdas), parece que agora ata a prensa reaxiu e se fai eco do escándalo, é certo que de xeito bastante cínico porque ata agora calaran como petos. A carreira polo ascenso está a ter demasiados obstáculos (non todos deportivos) e parece non interesar que o Celta estea arriba.
O celtismo non pode seguir a consentir esta sangría de puntos nin que os ineptos do asubío xoguen coas nosas aspiracións. E a mellor maneira é que se escoiten os nosos berros; de pouco vale axitar calcetíns, sacar bolsas do lixo ou amosar cartóns vermellos se Balaídos non é un clamor presionando e protestando cando nos rouban.
Sem comentários:
Enviar um comentário
Nota: só um membro deste blogue pode publicar um comentário.